കൊച്ചി
വസ്‌ത്ര രൂപകല്‍പ്പന രംഗത്ത്‌ നിരവധി സ്ഥാപനങ്ങള്‍ ഉണ്ടെങ്കിലും പഠിച്ചു പുറത്തിറങ്ങുന്നവര്‍ക്കു അവ പ്രദര്‍ശിപ്പിക്കുന്നതിനും വില്‍പ്പനയ്‌ക്കും കാര്യമായ അവസരങ്ങള്‍ ലഭിക്കാറില്ല.ഇതിനു പരിഹാരമായി ഒബ്‌റോള്‍ മാളില്‍ മലയാളി ഡിസൈനര്‍മാര്‍ മാറ്റുരയ്‌ക്കുന്ന ഫാഷന്‍ ഡിസൈനിങ്ങ്‌ മത്സരവും എക്‌സിബിഷനും ജൂണ്‍ 19 മുതല്‍ 22 വരെ ഒബ്‌റോണ്‍ മാളില്‍ നടക്കും.
ഇതിനായി 15,000 ചതുരശ്ര അടിയാണ്‌ ഒബ്‌റോണ്‍മാളില്‍ ഒരുക്കുന്നത്‌. തിരഞ്ഞെടുത്ത മത്സരാര്‍ഥികളുടെ വസ്‌ത്രശേഖരങ്ങളും ആക്‌സസറികളും പ്രദര്‍ശിപ്പിക്കുന്നതിനും വില്‍പ്പനയ്‌ക്കുമായി 30ഓളം സ്റ്റോളുകളും ഒരുക്കുന്നുണ്ട്‌. ഈ ഡിസൈനര്‍മാരുടെ കലാസൃഷ്‌ടിക്‌ളില്‍ നിന്നു ഫാഷന്‍ ഡിസൈനിങ്ങിന്റെ വിവിധ മാനദണ്ഡങ്ങള്‍ അനുസരിച്ച്‌ ജൂറി മികച്ച ഡിസൈനുകള്‍ തിരഞ്ഞെടുക്കും.വിജയികള്‍ക്കു സമ്മാനദാനവും നടക്കും.
ഡിസൈനുകളുടെ ഒര്‍ജിനാലിറ്റിയുടെ അടിസ്ഥാനത്തിലാണ്‌ എക്‌സിബിഷന്‌ എന്‍ട്രികള്‍ സ്വീകരിക്കുന്നതെന്ന്‌ ഫിയസ്റ്റയുടെ സംഘാടകനായ സി.വൈ.എ റസാഖ്‌ പറഞ്ഞു. എന്‍ട്രികള്‍ക്കായുള്ള രജിസ്‌ട്രേഷന്‍ സൗജന്യമാണ്‌. എന്‍ട്രികള്‍ അയക്കാന്‍ താല്‍പ്പര്യമുള്ളവര്‍ 9846044221 എന്ന ഫോണ്‍ നമ്പരില്‍ ബന്ധപ്പെടണമെന്ന്‌ ഒബറോണ്‍ മാള്‍ ഡയറക്‌ടര്‍ സുഫൈര്‍,ചീഫ്‌ ഓപ്പറേറ്റിങ്ങ്‌ ഓഫീസര്‍ വാജിദ്‌ എന്നിവര്‍ പത്രസമ്മേളനത്തില്‍ അറിയിച്ചു.
