കൊച്ചി: കൊരട്ടി കിന്‍ഫ്ര പാര്‍ക്ക്‌ കോപ്പര്‍സീഡ്‌സ്‌ ടെക്‌നോളജീസ്‌ വികസിപ്പിച്ച നൈറ്റ്‌ ഫോക്‌സ്‌ മൊബൈല്‍ സെക്യുരിറ്റി ആപ്ലിക്കേഷന്റെ ദക്ഷിണമേഖലാ പ്രകാശനം നടത്തി.
.
മൊബൈല്‍ മോഷണം കുറയ്‌ക്കുക എന്ന ലക്ഷ്യത്തോടെയാണ്‌ ഈ ആപ്ലിക്കേഷന്‍ പുറത്തിറക്കിയിരിക്കുന്നത്‌. എസ്‌.എം.എസിലൂടേയോ www.knightfox.com എന്ന വെബ്‌സൈറ്റ്‌ മുഖേന മോഷണം പോയ മൊബൈല്‍ ഫോണിനെ നിരീക്ഷിക്കാനും നിയന്ത്രിക്കാനുമുള്ള സൗകര്യമാണീ ആപ്ലിക്കേഷന്‍ വാഗ്‌ദാനം ചെയ്യുന്നത്‌. മോഷ്ടാവിന്റെ ചിത്രമെടുക്കുക, ഫോണിന്റെ ലൊക്കേഷന്‍ മനസ്സിലാക്കുക, അലാറം അടിക്കുക, ഫോണ്‍ റിമോട്ട്‌ ലോക്ക്‌ ചെയ്യുക, സിം ലോക്ക്‌ ചെയ്യുക, ഫാക്ടറി റീസൈറ്റ്‌ പ്രിവെന്‍ഷന്‍, സ്വിച്ച്‌ ഓഫ്‌ പ്രിവെന്‍ഷന്‍, ഓട്ടോ ആന്‍സറിംഗ്‌ തുടങ്ങി ഇരുപത്തിയാറോളം ഫീച്ചേഴ്‌സ്‌ ഉണ്ട്‌ ഈ ആപ്ലിക്കേഷനിലെന്ന്‌ കൊരട്ടി കിന്‍ഫ്ര പാര്‍ക്ക്‌ കോപ്പര്‍ഡീസ്‌ഡ്‌ ടെക്‌നോളജീസ്‌ സി.ഇ.ഒ അരുണ്‍ പറഞ്ഞു.
