കൊച്ചി
എറണാകുളം ജില്ലയില്‍ വൃത്തിഹീനമായ സാഹചര്യത്തില്‍
പ്രവര്‍ത്തിച്ചിരുന്ന അന്യസംസ്ഥാന തൊഴിലാളികളുടെ 10 ക്യാമ്പുകള്‍ അടച്ചുപൂട്ടി.
ഇവിടെ നിന്നുള്ള തൊഴിലാളികളെ മറ്റു ക്യാമ്പുകളിലേക്കു മാറ്റുവാന്‍
ആരോഗ്യവകുപ്പ്‌ നിര്‍ദ്ദേശം നല്‍കി.
ആരോഗ്യവകുപ്പിന്റെ 20ഓളം സ്‌ക്വാഡുകള്‍ നൂറു
കണക്കിനു കേന്ദ്രങ്ങളില്‍ പരിശോധന നടത്തി. മിക്ക ക്യാമ്പുകളില്‍ നിന്നും
നിരോധിക്കപ്പെട്ട പുകയില ഉല്‍പ്പന്നങ്ങള്‍ കണ്ടെടുത്തു. അന്യസംസ്ഥാന തൊഴിലാളികള്‍
പലരും നാട്ടില്‍ നിന്നാണ്‌ ഇത്തരം നിരോധിക്കപ്പെട്ട പുകയില ഉല്‍പ്പന്നങ്ങള്‍
കൊണ്ടുവന്നിരിക്കുന്നത്‌.
ക്യാമ്പുകളില്‍ മലിന ജലമാണ്‌ കുടിക്കാന്‍
ഉപയോഗിക്കുന്നതെന്നും പരിശോധനയില്‍ വ്യക്തമായി. വൃത്തിഹീനമായ സാഹചര്യത്തിലാണ്‌
പലയിടത്തും ഭക്ഷണം പാകം ചെയ്യുന്നത്‌.പരിശോധന പൂര്‍ത്തീകരിച്ച ക്യാമ്പുകളില്‍ പലതും
ശുദ്ധീകരിക്കാന്‍ നിര്‍ദ്ദേശം നല്‍കി. ഇതിനു തയ്യാറിയില്ലെങ്കില്‍ ക്യാമ്പ്‌
നിര്‍ത്തലമാക്കുമെന്നും ആരോഗ്യ വകുപ്പ്‌ അറിയിച്ചു.
ഡിഎംഒ ഹസീന മുഹമ്മദ്‌
,റൂറല്‍ ഹെല്‍ത്ത്‌ ഓഫീസര്‍ ശ്രീനിവാസന്‍ എന്നിവരുടെ നേതൃത്വത്തില്‍ ആയിരുന്നു
റെയ്‌ഡ്‌
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ