കൊച്ചി
മൂന്നര വയസുമുതല്‍ 18വയസുവരെയുള്ള 55 ഓളം
കുട്ടികള്‍ വരച്ച ചിത്രങ്ങളുടെ പ്രദര്‍ശനം -അമിഗോസ്‌ 55 - എറണാകുളം ഡര്‍ബാര്‍ ഹാള്‍
ആര്‍ട്ട്‌ ഗാലറയില്‍ ജൂണ്‍ ആറുമുതല്‍ 10വരെ നടക്കും.
രാവിലെ 11 മണിക്ക്‌ കേരള
ലളതികലാ അക്കദമി ചെയര്‍മാന്‍ കെ.എ ഫ്രാന്‍സിസ്‌ പ്രദര്‍ശന ഉദ്‌ഘാടനം നിര്‍വഹിക്കും.
എഴുത്തുകാരി എ.എസ്‌ പ്രിയ മുഖ്യപ്രഭാഷണം നടത്തും. ബാലസാഹിത്യകാരന്‍ സിപ്പി
പള്ളിപ്പുറം മുഖ്യാതിഥിയായിരിക്കും. ബാലതാരം മിനോണ്‍ ബേബി, കാര്‍ട്ടൂണിസ്റ്റ്‌
സജീവ്‌ ബാലകൃഷ്‌ണന്‍,ചിത്രകാരന്‍ എന്‍.എന്‍ സജീവ്‌ എന്നിവര്‍ ആശംസപ്രസംഗം
നടത്തും.
കുട്ടികളെ ഇന്റര്‍നെറ്റും ഫെയ്‌സ്‌ ബുക്കും മാറ്റിവെച്ചു 55 കുട്ടികള്‍
നാലു ചിത്രങ്ങള്‍ വീതം മൊത്തം 220 ചിത്രങ്ങള്‍ വരച്ചുകൊണ്ടാണ്‌ പ്രദര്‍ശനത്തില്‍
പങ്കെടുക്കുന്നത്‌.പെന്‍സില്‍ സ്‌കെച്ച്‌, ജലച്ചായം,അക്രിലിക്‌,ക്രയോണ്‍,ഡ്രൈ
പേസ്റ്റ്‌, എണ്ണച്ചായം എന്നീ വിവിധ മാധ്യമങ്ങളിലാണ്‌ കുട്ടികള്‍ ചിത്രങ്ങള്‍
വരിച്ചിരിക്കുന്നത്‌. പ്രത്യേക വിഷയങ്ങള്‍ ഒന്നും കുട്ടികളുടെ ചിത്രങ്ങള്‍ക്കു
വിഷയമായിരുന്നില്ലെ എങ്കിലും ആനയും മുയലും,ഉറുമ്പും,പ്രകൃതിയും ,സൈക്കിളും എല്ലാം
കുട്ടികളുടെ ചിത്രങ്ങളില്‍ ഇടംപിടിച്ചിരിക്കുന്നു.എറണാകുളം ജില്ലയിലെ വിവിധ
സ്‌കൂളുകളില്‍ പഠിക്കുന്ന കുട്ടികള്‍ക്കു പുറമെ പ്ലേ സ്‌കൂളില്‍ നിന്നുള്ള രണ്ടു
ചെറിയകുട്ടികളും ചിത്രപ്രദര്‍ശനത്തിനെത്തുന്നവരില്‍പ്പെടുന്നു. ചിത്രകലാധ്യാപകന്‍
ആര്‍.കെ ചിത്രബാബുവിന്റെ ശിഷ്യരാണ്‌ ഇവരില്‍ ഭൂരിഭാഗം കുട്ടികളും.
എറണാകുളം
പ്രസ്‌ക്ലബില്‍ നടന്ന ചടങ്ങില്‍ കുട്ടികള്‍ വരച്ച ചിത്രങ്ങള്‍
ഉള്‍പ്പെടുത്തിക്കൊണ്ടു തയ്യാറാക്കിയ പുസ്‌തകത്തിന്റെ പ്രകാശന കര്‍മ്മം
റിട്ട.ഹൈക്കോടതി ജഡ്‌ജി സി.എന്‍ രാചന്ദ്രന്‍ എഴുത്തുകാരി സഹീറ തങ്ങള്‍ക്കു
നല്‍കികൊണ്ട്‌ പ്രകാശനം ചെയ്‌തു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ