ഓഗസ്റ്റ് 24 മുതല്‍ 26 വരെ
ഓണ്‍ലൈനില്‍
കൊച്ചി: ഭക്ഷ്യസംസ്‌കരണ, പാക്കേജിംഗ്‌ വ്യവസായങ്ങള്‍ക്കുള്ള
പ്രദര്‍ശനമായ ഫുഡ്‌ടെക്‌ ഇന്ത്യയുടെ 11ാം പതിപ്പ്‌ ഓഗസ്റ്റ് 24 മുതല്‍ 26 വരെ
ഓണ്‍ലൈനില്‍ നടക്കും. ഭക്ഷ്യസംസ്‌കരണം, പാക്കേജിംഗ്‌, കോള്‍ഡ്‌ സ്‌റ്റോറേജ്‌
ഉപകരണങ്ങള്‍, ഭക്ഷ്യച്ചേരുവകള്‍, ഫ്‌ളേവറിംഗ്‌ ഉല്‍പ്പന്നങ്ങള്‍ തുടങ്ങി ഈ രംഗത്തെ
എല്ലാത്തരം വില്‍പ്പനക്കാര്‍ക്കും ആവശ്യക്കാര്‍ക്കും സംഗമിക്കാവുന്ന വേദിയാകും ഈ
ത്രിദിന പ്രദര്‍ശനം.
സാങ്കേതികവിദ്യയുടെ സഹായത്തോടെ സാധാരണ പ്രദര്‍ശനങ്ങളില്‍
ലഭ്യമായ എല്ലാ വിധ നെറ്റ്‌ വര്‍ക്കിംഗ്‌ അവസരങ്ങളും ഫുഡ്‌ടെക്‌ ഇന്ത്യ 2021ല്‍
ലഭ്യമാക്കുമെന്നും സംഘാടകരായ ക്രൂസ്‌ എക്‌സ്‌പോസ്‌ ഡയറക്ടര്‍ ജോസഫ്‌ കുര്യാക്കോസ്‌
പറഞ്ഞു. ഓണ്‍ലൈനില്‍ നടക്കുന്നതിനാല്‍ ലോകത്ത്‌ എവിടെ നിന്നുമുള്ള ആളുകള്‍ക്ക്‌
പ്രദര്‍ശനം സന്ദര്‍ശിക്കാനാവുമെന്ന സൗകര്യവുമുണ്ട്‌.
കേരളാ ബ്യൂറോ ഓഫ്‌
ഇന്‍ഡസ്‌ട്രിയല്‍ പ്രൊമോഷന്‍ (കെബിപ്‌), ഫെഡറേഷന്‍ ഓഫ്‌ ഇന്ത്യന്‍
ഓര്‍ഗനൈസേഷന്‍സ്‌ (എഫ്‌ഐഇഒ), സെന്‍ട്രല്‍ ഇന്‍സ്റ്റിറ്റിയൂട്ട്‌ ഓഫ്‌ ഫിഷറീസ്‌
ടെക്‌നോളജി (സിഫ്‌റ്റ്‌), ശ്രീലങ്കയിലേയും ബംഗ്ലാദേശിലേയും നേപ്പാളിലേയും
ചേംബറുകള്‍, വ്യവസായ സംഘടനകള്‍ എന്നീ സ്ഥാപനങ്ങളുടെ പിന്തുണയും അംഗീകാരവും
ഇത്തവണത്തെ ഫുഡ്‌ടെക്കിനുണ്ട്‌.
കേരളത്തിലെ എസ്‌എംഇ മേഖലയില്‍ നിന്നുള്ള 20ലേറെ
വരുന്ന ചെറുകിട, ഇടത്തരം സംരഭങ്ങള്‍ പങ്കെടുക്കുന്ന കേരള ഇന്‍ഡസ്‌ട്രിയല്‍
പവലിയനാകും മേളയുടെ പ്രധാന ആകര്‍ഷണം. സംസ്ഥാന വ്യവസായവാണിജ്യ വകുപ്പ്‌ സ്‌പോണ്‍സര്‍
ചെയ്യുന്ന ഈ പവലിയനില്‍ മൂന്ന്‌ എസ്‌ സി, എസ്‌ടി യൂണിറ്റുകളുമുണ്ടാകും. ഇതിനു പുറമെ
തമിഴ്‌നാട്ടില്‍ നിന്നുള്ള എസ്‌എംഇ യൂണിറ്റുകളുമായി എഫ്‌ഐഒ
പവലിയനുമുണ്ടാകും.
വിര്‍ച്വല്‍ എക്‌സ്‌പോയ്‌ക്ക്‌ സമാന്തരമായി ബി2ബി
മീറ്റിംഗുകളും നടക്കും. ഇന്ത്യയില്‍ നിന്നുള്ള ബയേഴ്‌സിനു പുറമെ ഇത്തവണ ശ്രീലങ്ക,
ബംഗ്ലാദേശ്‌, നേപ്പാള്‍ എന്നിവിടങ്ങളില്‍ നിന്നും ഏറെ സന്ദര്‍ശകരെ
പ്രതീക്ഷിക്കുന്നതായും സംഘാടകര്‍ പറഞ്ഞു. ഭക്ഷ്യസംസ്‌കരണ സ്ഥാപനങ്ങള്‍, ഉപകരണ
നിര്‍മാതാക്കള്‍ എന്നിവര്‍ക്കു പുറമെ കയറ്റുമതി സ്ഥാപനങ്ങള്‍, ആഗോള ട്രേഡിംഗ്‌
സ്ഥാപനങ്ങള്‍, ഇറക്കുമതി സ്ഥാപനങ്ങള്‍ എന്നിവിടങ്ങളില്‍ നിന്നുള്ള പ്രതിനിധികളും
മേള സന്ദര്‍ശിക്കാനെത്തും.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ