കൊച്ചി: ചലച്ചിത്ര നടന്‍ സലീം കുമാര്‍ ഗുരുതരാവസ്ഥയിലെന്ന്‌ റിപ്പോര്‍ട്ടുകള്‍. എറണാകുളം പി വി എസ്‌ ആശുപത്രിയില്‍ സലീം കുമാര്‍ ചികിത്സയിലാണെന്നാണ്‌ വാര്‍ത്തകള്‍. ലിവര്‍ സിറോസിന്‌ ചികിത്സയില്‍ കഴിയുകയായിരുന്നു നടന്‍. എന്നാല്‍ സലീം കുമാറിന്‌ കാര്യമായ കുഴപ്പമൊന്നുമില്ലെന്ന്‌ നാദിര്‍ഷ ഫേസ്‌ബുക്കില്‍ പോസ്റ്റ് ചെയ്‌തു. അല്‌പം ഷുഗര്‍ കൂടിയിരുന്നു. അത്‌ ചെക്ക്‌ ചെയ്യാന്‍ വേണ്ടിയാണ്‌ അഡ്‌മിറ്റ്‌ ചെയ്‌തത്‌. ഇന്ന്‌്‌ ഡിസ്‌ചാര്‍ജ്‌ ചെയ്യുമെന്ന്‌ നാദിര്‍ഷയുടെ പോസ്റ്റില്‍ പറയുന്നു
സലീം കുമാര്‍, സലീം അഹമ്മദ്‌ സംവിധാനം ചെയ്ത 'ആദാമിന്റെ മകന്‍ അബു' എന്ന ചിത്രത്തിലൂടെ മികച്ച നടനുള്ള സംസ്ഥാന ദേശീയ പുരസ്‌കാരങ്ങള്‍ നേടിയിട്ടുണ്ട്‌. ഓസ്‌കാര്‍ പുരസ്‌കാരത്തിനും ആദാമിന്റെ മകന്‍ നാമനിര്‍ദ്ദേശം ചെയ്യപ്പെട്ടിരുന്നു. ക്യാറക്ടര്‍ റോളുകള്‍ തനിക്ക്‌ വഴങ്ങുമെന്ന്‌ തെളിയിച്ച നടന്‍ അടുത്തിടെ സിനിമകള്‍ തിരഞ്ഞെടുക്കുന്നതില്‍ വളരെ ശ്രദ്ധപുലര്‍ത്തിയിരുന്നു. പുരസ്‌കാരലബ്ധിയ്‌ക്ക്‌ ശേഷം നടത്തിയ പലപ്രസ്‌താവനകളും വിമര്‍ശിക്കപ്പെട്ടു. 1989 മുതല്‍ സിനിമാഭിനയം തുടങ്ങിയ സലീം കുമാറിന്റേതായി ഒടുവില്‍ റിലീസ്‌ ചെയ്ത ചിത്രം അനീഷ്‌ ഉപാസന സംവിധാനം ചെയ്ത 'സെക്കന്റ്‌സ്‌' ആണ്‌. അതിനിടയില്‍ 'മരിയാന്‍' എന്ന ധനുഷ്‌ ചിത്രത്തിലൂടെ തമിഴിലും അരങ്ങേറ്റം കുറിച്ചു. മമ്മൂട്ടി നായകനാകുന്ന 'ഫയര്‍മാന്‍' എന്ന ചിത്രത്തില്‍ അഭിനയിച്ചുകൊണ്ടിരിക്കെയാണ്‌ ആശുപത്രിയില്‍ പ്രവേശിപ്പിച്ചത
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ