കൊച്ചി
എറണാകുളം മണ്ഡലത്തിലെ വോട്ടിംഗ്‌ മെഷീനില്‍ എല്‍ഡിഎപ്‌ സ്ഥാനാര്‍ഥി ക്രിസ്റ്റി ഫെര്‍ണാണ്ടസിന്റെ ചിഹ്നം വ്യക്തമായില്ലെന്നു പരാതിയെ തുടര്‍ന്നു വിവിധ കേന്ദ്രങ്ങളിലെ തിരഞ്ഞെടുപ്പു സംബന്ധമായ ജോലികള്‍ തടസപ്പെട്ടു. വോട്ടിംഗ്‌ യന്ത്രത്തിലെ ക്രമീകരണ ജോലികളാണ്‌ തടസപ്പെട്ടത്‌.
വോട്ടിംഗ്‌ യന്ത്രത്തില്‍ സ്ഥാനാര്‍ഥികളുടെ പേരും ചിഹ്നവും ക്രമീകരിക്കുന്നതിലെ അപാകതകള്‍ എല്‍ഡിഎഫ്‌ ചൂണ്ടിക്കാട്ടിയതിനെ തുടര്‍ന്നാണ്‌ ജോലികള്‍ നിര്‍ത്തിവെക്കേണ്ടി വന്നത്‌. വോട്ടിംഗ്‌ യന്ത്‌ത്തില്‍ പതിക്കുന്ന ബാലറ്റില്‍ യുഡിഎഫ്‌ സ്ഥാനാര്‍ഥിയും കേന്ദ്രമന്ത്രിയുമായ കെ.വി തോമസിന്റെ ചിഹ്നം വളരെ പെട്ടെന്നു തിരിച്ചറിയാന്‍ കഴിയുന്ന വിധം ആയിരുന്നു പ്രിന്റിംഗ്‌ നടത്തിയിരുന്നത്‌. മറ്റു തൊട്ടടുത്ത സ്ഥാനാര്‍ഥികളുടെ ചിഹ്നങ്ങളെല്ലാം തന്നെ മങ്ങിയ നിലയിലും. .
ഇത്‌ വളരെ ആസൂത്രിതമായ ഗൂഡാലോചനയുടെ ഭാഗമാണെന്നു എല്‍ഡിഎഫ്‌ പ്രവര്‍ത്തകര്‍ ആരോപിച്ചു. തുടര്‍ന്നു എറണാകുളം ജില്ലയിലെ വിവിധ മണ്ഡലങ്ങളിലെ ജോലികള്‍ നിര്‍ത്തിവെച്ചു. ഇലക്ഷന്‍ നിരീക്ഷകര്‍ എത്തി ചര്‍ച്ച നടത്തിയ ശേഷം ഒരുമണിയോടെയാണ്‌ ജോലികള്‍ പുനരാരംഭിക്കാനായത്‌.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ