കൊച്ചി: ലോക്ഡൗണ്‍ മൂലം വീടുകളില്‍ കഴിയുന്നവരെ കോളേജ് ഓര്‍മ്മകളിലേക്ക് തിരികെ കൊണ്ടുപോകാന്‍ കൊച്ചി ശാസ്ത്ര സാങ്കേതിക സര്‍വകലാശാല സ്‌കൂള്‍ ഓഫ് എഞ്ചിനീയറിങിലെ മൂന്നാം വര്‍ഷ വിദ്യാര്‍ത്ഥികള്‍ തുടക്കം കുറിച്ച സംരംഭമാണ് 'എസ്ഒഇ അണ്‍കട്ട്്'ക്യാമ്പസില്‍ നിന്നും കൂട്ടുകാരില്‍ നിന്നും അണ്‍കട്ട്, ഓണ്‍ലൈന്‍ ക്ലാസ്സുകളിലൂടെ അദ്ധ്യയനം മുന്നോട്ട്് കൊണ്ടുപോകുന്ന വിദ്യാര്‍ത്ഥികളെ വിവിധ പരിപാടികളിലൂടെ ഒന്നിപ്പിക്കുക എന്നതാണ് എസ്ഒഇ അണ്‍കട്ടിന്റെ ഉദ്ദേശം. വീടുകളില്‍ മാത്രം കഴിയുന്ന പല വിദ്യാര്‍ത്ഥികളും ഒരുപാട് മാനസിക പിരിമുറുക്കം അനുഭവിക്കുന്നുണ്ട്. അതില്‍ നിന്ന്്് വര്‍ക്ക് ഒരു മോചനം കൂടിയാണ് പുതിയ സംരംഭം എന്ന്്് വിദ്യാര്‍ത്ഥികള്‍ പറഞ്ഞു. ആഗസ്ത് 14നാണ് വിവിധ സോഷ്യല്‍ മീഡിയ പ്ലാറ്റ് ഫോമുകളിലൂടെ എസ്ഒഇ അണ്‍കട്ട് ഉദ്ഘാടനം ചെയ്തത്. പ്രാരംഭഘട്ടത്തില്‍ 15 പേരുമായി തുടങ്ങിയ സംരംഭത്തില്‍ റേഡിയോ ജോക്കികളും മീഡിയ പ്രവര്‍ത്തകരും അടങ്ങുന്ന വലിയ സംഘം തന്നെ ഇപ്പോഴുണ്ട്. നാല് വര്‍ഷം നീണ്ട കോളേജ് ജീവിതത്തിന് ഒരു നല്ല യാത്രയയപ്പ് ലഭിക്കാതിരുന്ന സീനിയര്‍ വിദ്യാര്‍ത്ഥികള്‍ക്ക് യാത്രയയപ്പ് ഒരുക്കിയുള്ള ആദ്യ എപ്പിസോഡ് ആഗസ്ത് 29 ന് പുറത്തിറങ്ങും. രസകരമായ ചര്‍ച്ചകളിലൂടെയും കലാപ്രവര്‍ത്തനങ്ങളിലൂടെയും വിദ്യാര്‍ത്ഥികളിലെ ക്യാമ്പസ് ഓര്‍മ്മകള്‍ പുനരുജ്ജീവിപ്പിക്കുകയാണ് അണ്‍കട്ടിന്റെ പ്രാഥമിക ലക്ഷ്യം. കൂടാതെ ചാരിറ്റി, കോവിഡ് പ്രതിരോധ ക്യാമ്പയിന്‍, രക്ത- അവയവദാന സംരംഭങ്ങളും ഇതുമായി കോര്‍ത്തിണക്കും. കേരളത്തില്‍ സര്‍വകലാശാല തലത്തില്‍ ഇത്തരം ഒരു പരിപാടി ആദ്യമായാണെും വിദ്യാര്‍ത്ഥികള്‍ പറഞ്ഞു. 24 മണിക്കൂറും ഉപയോഗിക്കാവുന്ന 'എസ്ഒഇ അണ്‍കട്ട്' വെബ്‌സൈറ്റില്‍ വൈകാതെ പ്രവര്‍ത്തന സജ്ജമാകും.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ