കൊച്ചി : സി.പി.എം ജില്ലാ സെക്രട്ടറിയായിരുന്ന എ.പി.വര്‍ക്കിയുടെ
സ്‌മരണാര്‍ത്ഥം ആരക്കുന്നത്ത്‌ ആരംഭിച്ച എ.പി.വര്‍ക്കി മിഷന്‍ ആശുപത്രിയുടെ രണ്ടാം
ഘട്ട വികസനം ഒരു വര്‍ഷത്തിനകം പൂര്‍ത്തീകരിക്കുമെന്ന്‌ സി.പി.എം. ജില്ലാ സെക്രട്ടറി
പി. രാജീവ്‌. ആരക്കുന്നം ആശുപത്രി അങ്കണത്തില്‍ കൂടിയ എ.പി.വര്‍ക്കിയുടെ 15-ാം ചരമ
വാര്‍ഷിക അനുസ്‌മരണവും, രണ്ടാംഘട്ട വികസനത്തിന്റെ ഭാഗമായി 6 നിലകെട്ടിടത്തിന്റെ
ശിലാസ്ഥാപനവും നിര്‍വ്വഹിച്ച്‌ സംസാരിക്കുകയായിരുന്നു ആദ്ദേഹം. കാത്ത്‌ലാബ്‌
ഉള്‍പ്പെടെയുള്ള സൂപ്പര്‍ സ്‌പെഷ്യാലിറ്റി ആശുപത്രി, വൃദ്ധസദനം, പഠനകേന്ദ്രം
എന്നിവയാണ്‌ 27 ഏക്കര്‍ സ്ഥലത്ത്‌ വിഭാവനം ചെയ്‌തിരിക്കുന്ന
പദ്ധതികള്‍.
ആശുപത്രി ചെയര്‍മാന്‍ ജോണ്‍ ഫെര്‍ണാണ്ടസ്‌ എം.എല്‍.എ യുടെ
അദ്ധ്യക്ഷതയില്‍ ചേര്‍ന്ന പൊതുസമ്മേളനത്തില്‍ എല്ലാ ഡോക്ടര്‍മാരെയും 10 വര്‍ഷം
പൂര്‍ത്തിയാക്കിയ എല്ലാ വിഭാഗം ജീവനക്കാരെയും ജില്ലാ പഞ്ചായത്ത്‌ പ്രസിഡന്റ്‌ ആശ
സനില്‍ ആദരിച്ചു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ