കൊച്ചി
ഒരു കാലത്ത്‌
നമ്മുടെ കവലകളെ സജീവമാക്കിയിരുന്ന രുചിഭേദങ്ങള്‍ ഇനി ലുലു ഹൈപ്പര്‍ മാര്‍ക്കറ്റിലും
ലുലു മാളിലെ ലുലു ഹൈപ്പര്‍ മാര്‍ക്കറ്റില്‍ ആരംഭിച്ച തനി നാടന്‍ ചായക്കട സിനിമാ
താരം ടോവീനോ തോമസ്‌ ഉദ്‌ഘാടനം ചെയ്‌തു.
പത്തു ദിവസം നീണ്ടു നില്‍ക്കുന്ന ചായക്കട
ഫെസ്റ്റിവലില്‍ വൈവിധ്യമാര്‍ന്ന നാടന്‍ വിഭവങ്ങളാണ്‌ ഒരുക്കിയിരിക്കുന്നത്‌.
ചായക്കൊപ്പം പഴംപൊരി, പഴം പുഴുങ്ങിയത്‌, ഉഴുന്നുവട, പരിപ്പ്‌ വട, കൊഴുക്കട്ട
എന്നിവയ്‌ക്കു പുറമെ ചേമ്പ്‌, ചേന ,കാച്ചില്‍ ,കപ്പ എന്നിവ പുഴുങ്ങിയതും ചട്ടിയില്‍
തയ്യാറാക്കിയ മീന്‍ കറിയുമാണ്‌ മറ്റൊരു വിശേഷം. മീന്‍തല കറിയും ഉണക്കയിറച്ചി
ഉലര്‍ത്തിയതും പോത്ത്‌ ഇറച്ചി പച്ചക്കായ ചേര്‍ത്തുള്ള കറിയും നാടന്‍ ചേരുവയില്‍
തന്നെ തയ്യയാറാക്കിയിരിക്കുന്നു.
കൂടാതെ പുട്ട്‌-കടലക്കറി, ചക്കക്കുരു
മാങ്ങാക്കറി, വാഴപ്പൂ-വാഴപ്പിണ്ടി തോരന്‍,നാടന്‍ സാദാ ദോശ, ഇഡ്ഡലി -സാമ്പാര്‍,
മുളക്‌ ചമ്മന്തി, കാന്താരി ചമ്മന്തി തുടങ്ങിയ നാടന്‍ ചമ്മന്തികളും സോഡാ സര്‍ബത്ത്‌,
തേന്‍ നിലാവ്‌ തുടങ്ങിയ ഡ്രിങ്ങ്‌സും ലഭിക്കും.
ഓല മേഞ്ഞ ചായക്കടയുടെ
ഗ്രാമഭംഗികള്‍ക്കൊപ്പം പഴയ റേഡിയോ ഗാനങ്ങലും ആകാശവാണി പരിപാടികളും സിനിമാ
പോസ്‌റ്ററുകളുമൊക്കെ തനി നാടന്‍ ചായക്കടയുടെ ഇമ്പം വര്‍ധിപ്പിക്കുന്നു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ