ഇന്നും നാളെയും
കൊച്ചി : കേരള കുഡുംബി ഫെഡറേഷന്റെ 45-ാം സംസ്ഥാന പ്രതിനിധി സമ്മേളനം ഇന്നും
നാളെയുമായി നോര്‍ത്ത്‌ കുഡുംബി സേവാസമിതി ഹാളില്‍ നടക്കുമെന്നു ഭാരവാഹികള്‍
വാര്‍ത്താ സമ്മേളനത്തില്‍ അറിയിച്ചു. ഇന്നു വൈകിട്ട്‌ മൂന്നു മണിക്കു മേയര്‍ സൗമിനി
ജയിന്‍ സമ്മേളനം ഉദ്‌ഘാടനം ചെയ്യും. നാലിന്‌ രാവിലെ 10 ന്‌ മുന്‍ എംപി പി.രാജീവ്‌
ഫലവൃക്ഷതൈ വിതരണം ചെയ്യും. തൊഴില്‍ സംവരണം നല്‍കുക, ഡിഗ്രി മുതല്‍ ഉപരി പഠനത്തിന്‌
സംവരണം നല്‍കുക, പ്രൊഫഷണല്‍ വിദ്യാര്‍ത്ഥികള്‍ക്കു നല്‍കേണ്ടി വരുന്ന അനാവശ്യ
ഫീസ്‌ ഒഴിവാക്കുക, കുഡുംബി സമുദായത്തെ പട്ടിക വര്‍ഗ്ഗ ലിസ്റ്റില്‍ ഉള്‍പ്പെടുത്തുക
എന്നീ ആവശ്യങ്ങള്‍ പ്രതിനിധി സമ്മേളനത്തില്‍ മുന്നോട്ടു വെയ്‌ക്കും. വാര്‍ത്താ
സമ്മേളനത്തില്‍ സംസ്ഥാന വൈസ്‌ പ്രസിഡന്റുമാരായ ജി.സോമനാഥ്‌, സി ചിന്നന്‍, സംസ്ഥാന
ജനറല്‍ സെക്രട്ടറി എസ്‌ സുധീര്‍, ട്രഷറര്‍ ബിജി ശിവാനന്ദന്‍ എന്നിവര്‍ വാര്‍ത്താ
സമ്മേളനത്തില്‍ പങ്കെടുത്തു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ