മൂന്നാര്‍ ഫോറസ്റ്റ് ഡിവിഷനും സെന്റ് ആല്‍ബെര്‍ട്ട്സ് കോളെജ് കണ്‍സര്‍വേഷന്‍ റിസേര്ച്ച് ഗ്രൂപ്പും സംയുക്തമായി ചേര്‍ന്ന് വംശ ഭീഷണി നേരിടുന്ന പോക്കാന്തവളകളുടെ/ചൊറിതവളകളുടെ സെന്‍സസ് നടത്തി. ഇന്ത്യരാന ഫെയ്ര്‍നൊഡര്‍മ (Indirana phrynoderma ) എന്ന ശാസ്ത്രീയ നാമമുള്ള ഈയിനം ചൊറിത്തവളെകുറിച്ച് ഇന്ത്യയില്‍ ആദ്യമായി നടക്കുന്ന സെന്‍സസ് ആണിത്. മൂന്നാറിലെ ആനമലകുന്നിലെ മഴമെഘകാടുകളില്‍ മാത്രം കാണപെടുന്ന ഇവയെ കുറിച്ചുള്ള പഠനം ഉഭയജീവികളില്‍ നടത്തുന്ന പഠനങ്ങളില്‍ ആദ്യമായിട്ടാണ്. ആവാസ വ്യവസ്ഥയില്‍ മുഖ്യപങ്കു വഹിക്കുന്ന ഇത്തരം ഉഭയജീവികളെ കുറിച്ചുള്ള പഠനം വരും വര്‍ഷങ്ങളില്‍ മൂന്നാര്‍ ഷോല വനമേഖലയില്‍ ഉണ്ടാവുന്ന മാറ്റങ്ങളെ കുറിച്ച് പഠിക്കാന്‍ സഹായിക്കുന്നതാണ്.
അരുണ്‍ കനകവേല്‍, സേതുപാര്‍വതി എന്നിവര്‍ ഉള്‍പെടുന്ന കണ്‍സര്‍വേഷന്‍ ഗ്രൂപ്പും, കേരള ഫോറസ്റ്റ് റിസേര്ച്ച് ഇന്സ്ടിസ്റ്റൂട്ടിലെ സന്ദീപ്‌ ദാസും ചേര്‍ന്ന് കേരള ഫോറസ്റ്റ് ഡിപ്പാര്‍റ്റ്മെന്റിലെ ഉദ്യോഗസ്ഥര്‍ക്ക് വേണ്ടി ഇത്തരം ഉഭയജീവികളെ തിരിച്ചു അറിയുന്നതിനു വേണ്ടിയും അവയുടെ സംരക്ഷണ പ്രക്രിയകളെ കുറിച്ചുമുള്ള പഠനക്യാമ്പ് നടത്തിയിരുന്നു. തുടര്‍ന്നും വിവിധ സ്ഥാപനങ്ങളുമായി ചേര്‍ന്ന് ഉഭയജീവികളെ കുറിച്ചും ആവാസ വ്യവസ്ഥയെ കുറിച്ചും കൂടുതല്‍ പഠനങ്ങള്‍ നടത്താന്‍ കണ്‍സര്‍വേഷന്‍ ഗ്രൂപ്പ് ലക്ഷ്യമിടുന്നു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ