കൊച്ചി
വൈസ്‌മെന്‍ ഇന്റര്‍നാഷണലിന്റെ ദേശീയ യൂണിറ്റായ ഇന്ത്യാ ഏരിയയുടെ 33-ാമത്‌ വാര്‍ഷിക സമ്മേളനം 28നു ഐഎംഎ ഹാളില്‍ നടക്കും. വൈസ്‌മെന്‍ ഇന്റര്‍നാഷണല്‍ പ്രസിഡന്റ്‌ ഐസക്‌ പാലത്തിങ്കല്‍ സമ്മേളനം ഉദ്‌ഘാടനം ചെയ്യും.
രാജ്യത്തെ വിവിധ സംസ്ഥാനങ്ങളെയും മിഡില്‍ ഈസ്റ്റ്‌ രാജ്യങ്ങളും ഉള്‍പ്പെടുന്ന ഇന്ത്യാ ഏരിയായെ പ്രതിനിധീകരിച്ചുകൊണ്ട്‌ 577 ക്ലബ്ബുകളില്‍ നിന്നായി 1500 ലധികം പ്രതിനിധികള്‍ പങ്കെടുക്കും. ഇന്ത്യ ഏരിയ പ്രസിഡന്റായി പി.വിജയകുമാറിനെ അവരോധിക്കുന്ന ചടങ്ങുകള്‍ക്ക്‌ നിയുക്ത പ്രസിഡന്റ്‌ വിച്ചിയാന്‍ ബുണ്‍മാപ ജോണ്‍ നേതൃത്വം വഹിക്കും. പുതിയ ഭറണസമിതി സമ്മേളനത്തില്‍ ചുമതലയേല്‍ക്കും.
ഈ സാമ്പത്തിക വര്‍ഷം നടപ്പിലാക്കുന്ന വിവിധ സേവന പദ്ധതികളുടെ ഔപചാരിക ഉദ്‌ഘാടനം ഇന്റര്‍നാഷണല്‍ ട്രഷറര്‍ ഫിലിപ്പ്‌ ചെറിയാന്‍,മുന്‍ ഇന്റര്‍നാഷണല്‍ പ്രസിഡന്റ്‌ ഫിലിപ്പ്‌ മത്തായി എന്നിവര്‍ നിര്‍വഹിക്കും.
ആരോഗ്യം ,ആതുരസേവനം, പരിസ്ഥിതി എന്നീ മേഖലകളിലായി 25 കോടി രൂപയുടെ പദ്ധതികളാണ്‌ ആവിഷ്‌കരിച്ചിരിക്കുന്നത്‌. 300 വീടുകളുടെ നിര്‍മ്മിതി, ഒരു ലക്ഷം വൃക്ഷത്തൈ നടല്‍, മാലിന്യസംസ്‌കരണ പദ്ധതി ,പരിസ്ഥിതി ശുചീകരണം,ജീവിതശൈലി രോഗങ്ങള്‍ സംബന്ധിച്ച്‌ അവബോധം എന്നിവയ്‌ക്കായുള്ള പ്രചരണ പരിപാടികള്‍, ക്യാന്‍സര്‍ ആന്റ്‌ പാലിയേറ്റീവ്‌ കെയര്‍,10,000 ഡയാലിസിസ്സിനു സഹായം ഏര്‍പ്പെടുത്തുക തുടങ്ങിയ നിരവധി പദ്ധതികള്‍ ഈ വര്‍ഷം നടപ്പില്‍ വരുത്തും. വാര്‍ത്താ സമ്മേളനത്തില്‍ പി.വിജയകുമാര്‍, നിജു മോഹന്‍ദാസ്‌ എന്നിവര്‍ പങ്കെടുത്തു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ