കൊച്ചി:യന്ത്രം ഘടിപ്പിച്ച വള്ളങ്ങള്‍ക്ക്‌ 12 നോട്ടിക്കല്‍ മൈലിനപ്പുറം കടലില്‍ മത്സ്യബന്ധനാനുമതി നല്‍കണമെന്ന്‌ കേരള സ്വതന്ത്ര മത്സ്യത്തൊഴിലാസി ഫെഡറേഷന്‍, നാഷണല്‍ ഫിഷ്‌ വര്‍ക്കേഴ്‌സ്‌ ഫോറം എന്നീ സംഘടനകളുടെ ഭാരവാഹികള്‍ പത്രസമ്മേളനത്തില്‍ ആവശ്യപ്പെട്ടു. പരമ്പരാഗത മത്സ്യതൊഴിലാളികളെ മത്സ്യബന്ധന നിരോധനത്തില്‍ നിന്ന്‌ ഒഴിവാക്കിയത്‌ മത്സ്യത്തൊഴിലാളികളുടെ കണ്ണില്‍പൊടിയിടാനാണെന്നും അവര്‍ കുറ്റപ്പെടുത്തി.
വിദേശ മീന്‍പിടുത്ത കപ്പലുകള്‍ക്ക്‌ ഇന്ത്യന്‍ കടലില്‍ മീന്‍ പിടിക്കാന്‍ നല്‍കിയിട്ടുള്ള മുഴുവന്‍ ലൈസന്‍സും റദ്ദാക്കണം, ട്രോളിംഗ്‌ ബോട്ടുകള്‍ ബോട്ടുകള്‍ക്ക്‌ ഏര്‍പ്പെടുത്തിയ നിരോധന ഉത്തരവ്‌ കര്‍ശനമായി നടപ്പാക്കണം. പെയര്‍ ട്രോളിംഗ്‌ നിരോധന ഉത്തരവ്‌ നടപ്പാക്കണം തുടങ്ങിയ ആവശ്യങ്ങളും ഉന്നയിച്ചു. കേരള സ്വാതന്ത്ര്യ മത്സ്യതൊഴിലാളി ഫെഡറേഷന്‍ സംസ്ഥാന പ്രസിഡന്റ്‌ പി.പി ജോണ്‍, ജനറല്‍ സെക്രട്ടറി ജാക്‌സണ്‍ പൊള്ളയില്‍, നാഷണല്‍ ഫിഷ്‌ വര്‍ക്കേഴ്‌സ്‌ ഫോറം ദേശീയ സെക്രട്ടറി ടി. പീറ്റര്‍, പി.വി വില്‍സണ്‍, വി.ജി മജീന്ദ്രന്‍, എന്‍.ജെ ആന്റണി എന്നിവര്‍ പങ്കെടുത്തു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ