കൊച്ചി: ഹയര്‍ സെക്കന്‍ഡറി സ്‌കൂളുകളുടേയും ആരോഗ്യ സ്ഥാപനങ്ങളുടേയും വികസനത്തിനായി ജില്ല പഞ്ചായത്ത് 13 കോടി രൂപയുടെ സ്‌കൂള്‍ ഇന്‍ഫ്ര പദ്ധതി നടപ്പാക്കാനൊരുങ്ങുന്നു. പദ്ധതിയുടെ ഔദ്യോഗിക ഉദ്ഘാടനം ഇന്ന് (സെപ്തംബര്‍-24) രാവിലെ 11 ന് വിദ്യാഭ്യാസ മന്ത്രി പി.കെ.അബ്ദുറബ് ജില്ലാപഞ്ചായത്ത് ഹാളില്‍ നിര്‍വഹിക്കും.
ഹയര്‍ സെക്കന്‍ഡറി, വൊക്കേഷണല്‍ ഹയര്‍ സെക്കന്ററി വിഭാഗത്തിന് നിശ്ചിത മാനദണ്ഡ പ്രകാരമുള്ള ക്ലാസ് റൂമുകളും ലാബുകളും ഇല്ലാത്തതിന്റെ പശ്ചാത്തലത്തിലാണ് പദ്ധതി ആവിഷ്‌കരിച്ചതെന്ന്
ജില്ലാ പഞ്ചായത്ത് പ്രസിഡന്റ് എല്‍ദോസ് പി.കുന്നപ്പള്ളി പറഞ്ഞു. പദ്ധതിയിലൂടെ 27 സ്‌കൂളുകളില്‍ ലാബുകളും, ക്ലാസ് റൂമുകളും നിര്‍മ്മിച്ചു നല്‍കും.
ജില്ലാ പഞ്ചായത്ത് പ്രസിഡന്റിന്റെ അധ്യക്ഷതയില്‍ ചേരുന്ന ഉദ്ഘാടന യോഗത്തില്‍ ബെന്നി ബഹനാന്‍ എം.എല്‍.എ മുഖ്യപ്രഭാഷണം നടത്തും. വൈസ് പ്രസിഡന്റ് ബിന്ദു ജോര്‍ജ്, സ്റ്റാന്‍ഡിംഗ് കമ്മറ്റി ചെയര്‍മാന്‍മാരായ അഡ്വ.സാജിത സിദിഖ്, വത്സ കൊച്ച് കുഞ്ഞ്, ബാബു ജോസഫ്, കെ.കെ സോമന്‍, എറണാകുളം വിദ്യാഭ്യാസ ഉപഡയറക്ടര്‍ പി.ടി ജോര്‍ജ്, ജില്ലാ പഞ്ചായത്ത് സെക്രട്ടറി കെ.കെ അബ്ദുള്‍ റഷീദ് തുടങ്ങിയവര്‍ പങ്കെടുക്കും.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ