കൊച്ചി: മികച്ച കായികക്ഷമത കൈവരിക്കുന്നതില് വായയുടെ ആരോഗ്യത്തിന് നിര്ണായക പങ്കുണ്ടെന്ന് ക്രിക്കറ്റ് ഇതിഹാസവും ഹെഡ് കോച്ചുമായ രാഹുല് ദ്രാവിഡ്. ഉയര്ന്ന മത്സരാത്മക സാഹചര്യങ്ങളിലെ വിജയത്തെ നിര്വചിക്കുന്ന 'ഏറ്റവും ചെറിയ കാര്യങ്ങളില്' ഒന്നാണിതെന്നും അദ്ദേഹം പറഞ്ഞു. ബ്രേക്ക്ഫാസ്റ്റ് വിത്ത് ചാമ്പ്യന്സ് എന്ന പരിപാടിയില് സംസാരിക്കവെ, ഡെന്റല് കെയര് ഉള്പ്പെടെയുള്ള ഒരു കായികതാരത്തിന്റെ ആരോഗ്യത്തിന്റെ എല്ലാ വിശദാംശങ്ങളിലും ശ്രദ്ധ ചെലുത്തുന്നതിലൂടെ '1% മുന്തൂക്കം' ഉറപ്പാക്കുന്ന ആഗോള പ്രവണത ദ്രാവിഡ് എടുത്തു കാണിച്ചു. എഫ്സി ബാഴ്സലോണ പോലുള്ള ലോകോത്തര ടീമുകള് വായയുടെ ആരോഗ്യ പരിശോധനകള് നിര്ബന്ധമാക്കിയതിനെ അദ്ദേഹം ഉദാഹരണമായി ചൂണ്ടിക്കാട്ടി, ഇത് പ്രൊഫഷണല് പ്രകടനത്തിന്റെ അവിഭാജ്യ ഘടകമായി ഓറല് ഹൈജീന് മാറുന്നതിനെ അടിവരയിടുന്നു. 'ഒരു പ്രൊഫഷണല് അത്ലറ്റ് എന്ന നിലയില് സ്വയം ശ്രദ്ധിക്കാന് ആഗ്രഹിക്കുന്നവരാണെങ്കില്, നിങ്ങളുടെ ഓറല് ഹെല്ത്തും ശ്രദ്ധിക്കണം,' ദ്രാവിഡ് പറഞ്ഞു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ