കാക്കനാട് : തൃക്കാക്കരയിലെ കായിക മേഖലക്ക് പുതിയ മുഖം നൽകുന്നതിന് സംസ്ഥാന കായിക യുവജന വകുപ്പ് 3 കോടി രൂപയുടെ സ്പോർട്സ് കോംപ്ലക്സ് നിർമ്മിക്കാനൊരുങ്ങുന്നു. തൃക്കാക്കര MLA ഉമ തോമസിന്റെ നിർദേശത്തിന്റെയും, നിരന്തരം ശ്രമത്തിന്റെയും ഫലമായാണ് ഈ സുപ്രധാന പദ്ധതിക്ക് ഭരണാനുമതി ലഭിച്ചത്.
പദ്ധതിയുടെ പ്രധാന ഘടകങ്ങൾ
1,9's ആർട്ടിഫിഷ്യൽ ഫുട്ബോൾ കോർട്ട്
2,വോളിബോൾ കോർട്ട്
3,ഓപ്പൺ ജിം
4,മുൻസിപ്പൽ ഗ്രൗണ്ടിനെ സമഗ്ര സ്പോർട്സ് കോംപ്ലക്‌സായി വികസിപ്പിക്കൽ
ടെക്നിക്കൽ അനുമതി ഒരു മാസത്തിനുള്ളിൽ ലഭ്യമാക്കുകയും ടെൻഡർ നടപടികൾ ഉടൻ ആരംഭിക്കുമെന്നും MLA അറിയിച്ചു
ഏറെ നാൾ നീണ്ട പരിശ്രമങ്ങളുടെ ഫലമായാണ് തൃക്കാക്കരയിൽ ഈ വലിയ കായിക വികസന പദ്ധതി യാഥാർത്ഥ്യമാകുന്നത്..
തൃക്കാക്കരയിൽ അന്താരാഷ്ട്ര നിലവാരത്തിലുള്ള സ്പോർട്സ് കോംപ്ലക്സ് നിർമ്മിക്കാനുള്ള MLAയുടെ നിർദേശത്തോടനുബന്ധിച്ചു, മറ്റ് പല സർക്കാർ ഉടമസ്ഥതയിലുള്ള സ്ഥലത്തിനായി ശ്രമിച്ചെങ്കിലും അനുകൂലമായ മറുപടി ലഭിക്കാത്തത് കാരണമാണ് മുനിസിപ്പൽ ഗ്രൗണ്ടിൽ 9's ഫുട്ബോൾ കോർട്ട് നിർമ്മാണം ആരംഭിക്കാൻ തീരുമാനമായത്.
ഈ പദ്ധതി തൃക്കാക്കരയിലെ യുവ കായിക താരങ്ങൾക്ക് മികച്ച പരിശീലന സൗകര്യങ്ങൾ ഒരുക്കുകയും കായിക രംഗത്ത് പുതിയ മാതൃക സൃഷ്ടിക്കുകയും ചെയ്യുമെന്നും ഉമ തോമസ് MLA അറിയിച്ചു.
തൃക്കാക്കര MLA ഉമ തോമസിന്റെയും കായിക യുവജന വകുപ്പിന്റെയും നേതൃത്വത്തിൽ നടപ്പിലാകുന്ന ഈ വികസന പ്രവർത്തനം തൃക്കാക്കരയുടെ കായിക ഭാവിക്ക് ശക്തിയേകുന്നതാകും എന്നതിൽ സംശയമില്ല.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ