കൊച്ചി : കര്‍ണ്ണാടക സ്‌റ്റേറ്റ്‌ ഓപ്പണ്‍ യൂണിവേഴ്‌സിറ്റിയുടെ കീഴിലുള്ള അല്ലാമപ്രഭു ലളിതകലാ അക്കാദമി നടത്തുന്ന ഫൈന്‍ ആര്‍ട്‌സ്‌ കോഴ്‌സുകളിലെ 2015-16 വര്‍ഷത്തേക്കുള്ള അഡ്‌മിഷന്‍ ആരംഭിച്ചതായി ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു. ഏതുപ്രായത്തിലും ജോലിചെയ്യുന്നവര്‍ക്കും സുകുമാരകലകളില്‍ പഠനം നടത്താന്‍ പര്യാപ്‌തമായ രീതിയിലാണ്‌ കോഴ്‌സുകള്‍ നടത്തുന്നത്‌. ചിത്രകല, ശില്‍പ്പകല, അപ്ലൈഡ്‌ ആര്‍ട്‌സ്‌, സംഗീതം, നൃത്തം, നാടകം എന്നിവയില്‍ ബിരുദത്തിനും ബിരുദാനന്തര പഠനത്തിനും സൗകര്യമുണ്ട്‌. തൃപ്പൂണിത്തുറ ഇന്‍സൈറ്റ്‌ ആര്‍ട്‌സ്‌ ഫൗണ്ടേഷനിലാണ്‌ ക്ലാസുകള്‍ നടക്കുന്നത്‌. കലയില്‍ പ്രാവീണ്യം നേടിയ 18 വയസ്‌ പൂര്‍ത്തിയായവര്‍ക്ക്‌ പ്രത്യേക പഠനയോഗ്യതയില്ലാതെ നേരിട്ട്‌ അഡ്‌മിഷന്‍ നല്‍കും. ഏതെങ്കിലും ബിരുദം ഉള്ളവര്‍ക്ക്‌ എംഎഫ്‌എ കോഴ്‌സിന്‌ നേരിട്ട്‌ ചേര്‍ന്ന്‌ പഠിക്കാം. കൂടുതല്‍ വിവരങ്ങള്‍ക്ക്‌ 9847220694 എന്ന നമ്പറില്‍ ബന്ധപ്പെടുക. അഡ്വ. എ വി ബിജു, ഡോ. ഡി എ ഉപാധ്യായ എന്നിവര്‍ വാര്‍ത്താ സമ്മേളനത്തില്‍ പങ്കെടുത്തു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ